Atan Guardo nikulit og ikaduhang daog

Ang Team Atan Guardo miposte sa ilang ikaduhang daog human nila gipilde ang New Carlock sa iskor nga 55-42 sa Basak San Nicolas Sitio Panaghiusa Fiesta Cup basketball tournament diha sa Basak San Nicolas open court.

Si Richard Gubaton mao ang naghatod sa Atan Guardo ngadto sa kadaugan pinaagi sa paglansang og 18 puntos.

Ang Arthro Kontra Arthritis-backed Atan Guardo mi-abante dayon og siyete puntos, 14-7 sa unang kuwarter ug giinat pa nila kini ngadto sa 13 puntos, 43-30 hinungdan nga nagminatay og ginukod ang New Carlock.

Si Gino Dalo maoy nangulo sa pilderong New Carlock sa iyang 12 puntos.