Tribu Sugbu di moapil sa NBC

Walo ka teams ang magtige atol unya sa pagbukas sa 4th season sa National Basketball Conference(NBC) karong Sabado didto sa Quezon Convention Center sa Lucena City.

Kini gilangkuban sa MP-Gensan Pacman ni MannyPacquiao, Villa Anita Quezon, Tagaytay Spring Cooking Oil, Pagadian Explorers, Toyota-Iloilo Warriors, Montaña Pawnshop Davao, Valencia Golden Harvest ug Iligan Crusaders.

Apan dili makapakita og aksiyon ang duha ka orihinal nga mga miyembro sa liga -- ang Tribu Sugbu ug Ozamis Cotta.

Ang Tribu Sugbu adto kini mopakita'g aksiyon sa Mindanao Visayas Basketball Association (MVBA), samtang ang Ozamiz Cotta mopahulay una.

Sa opening day mag-abot ang Tagaytay ug Pagadian alang sa pasiunang duwa, sundan kini sa kumbati sa MP-Gensan Pacman ug Villa Anita Quezon.