Makakaharap ng pinapaborang si Efren "Bata" Reyes ang di-gaanong kilalang si James Ortega habang makakaharap naman ni Elvis Calansang si Joybe Vicente sa pares ng all-Filipino match kung saan ang magwawagi ay nakakasiguro sa susunod na round para sa bansa.
Gayunpaman, babantayan ang mga tulad nina reigning world 9-ball champion Ronnie Alcano, dating world No. 1 Francisco "Django" Bustamante at World Pool League champion Dennis Orcollo, na makiki-halubilo kina German Thorsten Hohmann, Thomas Engert at Australian Ben Nunan.
Ang iba pang Pinoy na umaasinta ng puwesto sa Last 16 sina Lee Van Corteza, Mario Tolentino at Joven Bustamante.
Makakalaban ni Corteza ang Dutch na si Nick Van Den Berg, Tolentino laban kay Niels Feijen ng Nether-lands, habang makakasagupa naman ni Joven Bustamante si Farhad Shaverdi ng Iran.
Sa iba pang laban makakatagpo ng Swede na si Marcus Chamat si Japanese Satoshi Kawabata, German Ralf Souquet laban kay Darren Appleton ng Great Britain at Taiwanese Hsia Hui-kai kontra kay German Kevin Becker.