Hapee vs Harbour Centre sa PBL Finals

Naulit na naman ang kasaysayan.

Ipinakita ng Harbour Centre na kaya nilang ulitin ang ginawa nila sa Toyota Otis noong naka-raang taon matapos ang 92-81 panalo sa deciding Game-Five ng kanilang semifinal series upang angkinin ang ikalawa at huling finals slot ng 2007 PBL Silver Cup sa ma-aksiyong labanan sa Olivarez Sports Center kagabi.

Hindi titulo ang naka-taya ngayon ngunit gani-tong-ganito rin ang nang-yari sa Unity Cup noong nakaraang taon.

Baon na rin ang Port Masters sa 1-2 deficit sa serye ngunit nagawa nilang makabangon mata-pos ipanalo ang dalawang sunod na laro upang angkinin ang titulo.

At ito ay dahil sa kaba-yanihan ni Chico Lanete, ang susi sa kanilang 86-83 panalo sa Game-Four na nagpuwersa ng sud-den death match na ito at siya ring bayani sa kani-lang tagumpay kahapon.

Tumapos si Lanete ng 22-puntos, anim na assists, limang rebounds at isang steal matapos umiskor lamang ng apat na puntos sa first half, upang iselyo ng Port Masters ang best-of-five semis series sa 3-2 panalo-talo tungo sa kanilang ikalawang finals appearance.

Bunga nito ay maka-kaharap nila ang nauna nang finalists na Hapee-Philippine Christian Uni-versity sa isa na namang best-of-five titular show-down.

Nakarating sa finals ang Hapee-PCU matapos dispatsahin ang Mail & More Comets, sa kani-lang sariling best-of-five serye sa 3-1 panalo-talo.

Pinagbidahan ni La-nete ang 17-7 run upang makalayo ang Port Masters sa 80-69 papa-sok sa huling 2:52 minuto ng laro.

Magsisimula ang finals sa Miyerkules sa Olivarez Sports Center kung saan maghaharap muna ang Mail & More at Totoya Otis para sa konsolasyong third place bago ang opening game ng titular showdown ng Hapee-PCU at Harbour Centre. (Mae Balbuena)