R Power Taekwondo nangharos

Giharos og hakot sa R Power Taekwondo Club ang 10 ka bulawan sa gipahigayong 2007 Regional Carlos Palanca Jr. Taekwondo Championships sa miaging adlaw diha sa Cebu Doctors University Gym.

Ang R Power Taekwondo Club ubos sa liderato ni kanhi TCC director Rene Brojan inabagan sa laing trainor nga si Raul Luna, nihakot og 10 ka gold, pito ka silver ug tulo ka bronze medals aron sa pagpanghawod sa maong kompetisyon.

Ilang gilupig ang Bohol Holy Name University of Sullivan Grandeza nga nipahiluha sa ikaduhang dapit bitbit ang 7-gold, 7-silver ug 10 bronze medals, gisundan sa Barili Central School ni coach Fe Montayre nga mikapyot sa ikatulong dapit nga adunay lima ka bulawan ug lima sab ka silver medals.