Skyblazers, Cobras mikulata sa ilang kaatbang

Gikulata sa Salazar Institute of Technology (SIT) Skyblazers ug Southwestern University (SWU) Cobras ang tagsa-tagsa nila ka mga kaatbang sa Visayas Amateur Athletic Association (VAAA) kagahapon didto sa Dumaguete City.

Ning pagsulat, padayon pang nagduwa ang University of San Carlos (USC) Warriors batok sa host-team Silliman University (SU) Stallions.

Ang Skyblazers ni coach Jojo Romarate nipukan sa ACSAT Lightnings sa iskor nga 79-73, samtang ang Cobras ni coach Dodie Miego naka-eskapo gikan sa mga kamot sa Foundation University Greyhounds sa iskor nga 65-63.

Sa maong kadaugan, ang Skyblazers miinat sa ilang baraha ngadto sa 3-3 win-loss record, samtang ang Cobras mitungtong sa ikaduhang dapit nga nagtangag og 4-1 win-loss record sunod sa Warriors nga nagbitbit og 5-0 win-loss.