Pinaghirapan nina Ryan Repunte, James Canete at doubles partners Wilbur Orillano at Alexander Diego ang pinaghirapang 3-2 panalo laban sa University of the Philippines (UP) para sa Tigers para sa kanilang ikatlong sunod na panalo sa men’s division.
Bumagsak ang UP sa second place na may 2-1 card.
Sa iba pang men’s game, bumawi ang University of the East (UE) sa dalawang sunod na talo matapos igupo ang Ateneo, 4-1. Nasa ikatlong puwesto ang Warriors na may 1-2 record, habang ang Ateneo ay fourth na may 0-3.
Kahanga-hanga naman ang performance ng UST sa women’s division ng tenis matapos pasadsarin ang Ateneo, 4-1, para sa kanilang ikalawang sunod na panalo.
Natikman naman ng UP ang unang panalo sa women’s side laban sa Ateneo, 3-2.
Nanalo din ang UST sa Ateneo sa volleyball sa Blue Eagles, 18-25, 26-24, 25-19, 25-21.
Pinabagsak naman ng Far Eastern University (FEU) ang UE, 25-18, 25-14, 25-14, para sa ikapitong panalo sa walong laro.
Sa men’s volleyball, sumulong ang FEU sa ikawalong panalo nang kanilang blangkuhin ang Ateneo, 25-14, 26-24, 25-23 habang tinalo din ng UP ang National University, 25-19, 25-15, 25-21 para kunin ang second place na may 7-1 win-loss record. Tinalo naman ng UE ang Adamson University, 25-16, 25-19, 25-23, para sa ikalawang panalo sa siyam na laro.