2nd playoff seat sinagasaan ng Toyota

Kasabay ng pagkolekta sa kanilang ikaapat na sunod na panalo, nasikwat rin ng Toyota Otis ang ikalawang playoff seat para sa isa sa dalawang automatic semifinals berth.

Dalawang basketball nina Patrick Cabahug at Erik Rodriguez at split ni Jon Aldave sa huling minuto ng laro ang nagtawid sa 69-65 panalo ng Sparks sa TeleTech Titans sa classification phase ng 2007 PBL Silver Cup kahapon sa Emilio Aguinaldo College Gym sa Taft Avenue, Manila.

"Ang magiging senaryo lang is if Harbour Centre wins it’s game against Kettle Korn-UST, baka sila ang maka-playoff namin for the second outright semifinals slot," ani coach Louie Alas.

Umiskor si Marvin Cruz ng 17 puntos kasunod ang 15 ni Patrick Cabahug para sa 7-3 karta ng Toyota Otis katabla ang Mail & More sa itaas, habang bumababa naman ang TeleTech sa 4-5.

Samantala, sa unang laro, tinapos naman ng Magnolia Ice Cream ang pag-asa ng Sista Super Sealants na makasikwat ng isang playoff slot para sa isa sa dalawang outright semifinal seat nang iposte ang 68-49 panalo.

"Pressured ang Sista to win, pero kami okay lang because we have nothing to lose," ani mentor Koy Banal sa kanyang Spinners, may 3-7 rekord, habang nahulog sa 6-4 ang baraha ng Super Sealers.

Matapos isara ang ikatlong yugto bitbit ang 50-33 abante, itinala ng Magnolia ang isang 21 point lead, 59-38, sa 4:24 ng final canto mula sa dalawang freethrows ni Pong Escobal.

Tuluyan nang sinelyuhan ng Spinners, nanggaling sa isang three-game losing slump, ang kanilang panalo sa Super Sealers matapos ikarga ang 62-40 lamang sa huling 3:34 nito.

Bilang No. 8 team, sasagupain ng Magnolia ang No. 9 Kettle Korn-UST sa unang playoff phase patungo sa quarterfinals. (Russell Cadayona)