6 pawnpushers nakahipos og tres puntos

Unom ka pawnpushers ang nakapundo og tres puntos human sa tulo ka hugna sa gipahigayong Benjie Nodado Tan Chess Tournament diha sa Bibo Chess Club, ning siyudad.

Si Romelio Asoque maoy nangulo sa mga mamanaog pinaagi sa pagpilde ni Mario Mangubat sa ikatulong hugna.

Si Erwin Abat maoy niangkon sa ikaduha pinaagi sa pagpahilom ni Eden Diano, samtang si Kim Steven Yap nagmadaugon sab batok ni Carlo Mara-at.

Sa iyang bahin, si FIDE Master Anthony Makinano nakapundo sab og tres puntos human nidaog batok ni Mark Mangubat.

Si National Master Rogelio Enriquez ug Edwel Alesna nakahipos sab og tres puntos human nila gipilde ang tagsa-tagsa ka kaatbang.

Gipukan ni Enriquez si Francisco Abugho, samtang si gipaundang ni Alesna si Allan Salientes.

Sila si Carlos Moreno III ug Leonardo Alidane parehong naka-iskor og 2.5 puntos human sa ilang kadaugan batok nilang Jessie Supangan ug Phenzi Kyle Sevilleno.