Human sa malampusong pagpahigayon sa miaging tuig didto sa Metro Manila, ang ACCEL nidesider sa pagpalapad sa ilang shootout ngadto sa nationwide level aron kahatagan ang mga players og exposure sa basketbol.
Ang kompetisyon nga sugdan sa ala-1:00 sa hapon, bukas sa tanang lalakeng tinun-an nga nagpangedaron og 16 ngadto sa 19-anyos.
Ang nag-unang napulo ka players human sa eliminasyon mo-abante alang sa final round.
Ang mga mananaog makadawat og mga ganti gikan sa Sporteum Phils. Inc., ang distributor sa ACCEL, ning maong kalihukan nga gipaluyohan sa San Miguel Corporation, Mediacom, Kolin, Chowking, Tower Inn ug Harbour Centre.
Ang elimination round winner morepresentar sa iyang tunghaan, probinsiya o barangay sa final round, diin si PBA legend Allan Caidic maoy usa mga judges.
Si Caidic, kinsa mao karon ang team manager sa Coca-Cola Tigers, maoy usa sa pinakabangis nga three-point shooters sa liga ug siya sab ang hinungdan sa pagpaila ning maong kompetisyon sa ACCEL.