Congressman Pichay Sinulog Open Chess tournament Enero 17-20

Ang Congressman Prospero 'Butch' Pichay Sinulog Open Chess Tournament gitakda karong Enero 17-20 diha sa Aznar Coliseum.

Ang opening ceremony pagatambongan mismo ni Congressman Pichay, kinsa mao sab ang presidente sa Philippine Chess Federation.

Mga banggiitan ug tang-ang chess players dinhi sa nasud gipaabot nga moapil sa maong kompetisyon nga gihimo nunot sa kasaulogan sa kapistahan sa Balaang Bata Senior Sto. Niño.

Aduna say inter-barangay competition nga gilakip sa maong kahilukan.

Sa laing bahin, ang Rose Pharmacy Chess Development Affair, nga gipangulohan sa ilang tsirman nga si Boogie Lim, manuktok sa mga tawo nga adunay malumong kasingkasing sa pagsuporta sa labing una ug dakung chess tournament dinhi karong tuiga.

Usa sa mga tawo nga giduol ni Lim mao si Jonathan 'Ata' Guardo, tsirman sa Greater Cebu Sports Organizing Committee (GCSOC).