Just keep up the good work, Chairman Butch!

Ngayon pa lang, kumikilos na si PSC Chairman Butch Ramirez para sa darating na Asian, SEA, at Olympics Games.

Mabuti naman.

Dahil binigyan ni PGMA ng continued confidence to stay on as PSC Chairman, lalo namang naging ganado at determinado si Ramirez to prove himself and his worth.

Naniniwala kami na isang magaling at competent na leader si Butch Ramirez.

He has served sports for the longest time, at ngayong hawak niya ang PSC, we just  hope he can efectively run its affairs na hindi napupulitika.

Yan naman lagi ang nagiging depekto sa isang organisasyon--kapag pumasok na ang politika.

Kung ang Presidente ng Pilipinas ay nagpapatuloy ng kanyang kumpiyansa at tiwala kay Ramirez, sana naman ay magkaisa-isa na rin ang iba pang sports leaders in helping Ramirez bring about the continued development para na rin sa ating bansa.

Noong minsan namang nakausap namin si Butch, halatang napapagod na siya sa mga intriga sa sports.

Gumagawa nga naman siya ng mabuti at nagpapakita ng kasipagan, pero hindi pa rin maiiwasan ang mga intriga.

There was a time he felt like quitting, pero sabi namin sa kanya noon, huwag.

Hindi dapat.

Isang simple at napakabait at very accomodating na tao itong si Ramirez.

Nung makilala namin siya many years ago na wala pa siyang posisyon sa sports, hindi namin siya nakitaan ng pagbabago hanggang sa maging PSC Chairman na siya.

Kaya sa ‘yo, Chairman Butch, just keep on doing your best.

Just keep on proving you are worthy of the President’s trust and confidence.

Kailangan ng RP sports ng isang katulad mo.

Just move on, and give your best, at sabi nga nila, God will take care of the rest.

* * *

Gumugulo na lumilinaw.

Yan ang kalagayan ng basketball sa ating bansa.

Gumulo dahil inalis si Sen. Jinggoy Estrada bilang presidente, pero mukhang luminaw na ulit dahil hindi siya inalis ng SBP at kasama pa rin siya sa three-man committee.

From hereon, mukhang magkakaroon na yan ng panibagong direksyon, and it seems it is headed to the right path.

Sana naman, sana naman.

* * *

Isinugod sa ospital si Manny Pacquiao nung isang araw.

Matapos dumalo sa isang commitment, bigla na lang sumakit ang tiyan kaya nagpatakbo na siya sa Cardinal Santos Hospital.

Naconfine siya dahil sa digestive ailment.

Siguro, by this time, nakalabas na siya ng Cardinal Santos.

* * *

Ooooppps... ang NAASCU, nasa Pilipinas Basketball na rin.

Tumiwalag na sa BAP.

Kasama na niya ngayon ang NCAA at UAAP.

Nalagasan na ang BAP ng isa pang miyembro. Marami pa raw mangyayari in the near future.

Sige nga, aabangan natin....