Winners sa 2006 MS motosuit Series pasidunggan karon

Ang awarding of winners sa 2006 MS Motosuit Series himuon karong gabii diha sa Grand Convention Center, ning siyudad.

Si San Remigio Municipal Mayor Mariano Martinez, kinsa maoy ni-host sa third leg sa inaugural series, mao pinasidunggang dinapit.

Si Martinez gipaabot sab nga mohatag sa iyang inspirational message human sa video presentation.

Gipaabot sab motambong sa maong kalihukan mao si Cebu City Sports Commission cycling ug motocross director Antot Rubi.

Dili lamang nga modawat sa iyang award isip overall champoin sa executive A, kondili mohatag sab og welcome address.

Si Irwin Ramas-Uypitching maoy mangulo sa mga awardees human nidaog isip Rider of the Year human niya gidominar ang 11-leg series nga gipahigayon sa nagkadaiyang mga dapit sa Cebu ug sa Dumaguete City.

Gawas niini, ang marshalls, sponsors ug leg organizers ug hosts hatagan sab og certificate of appreciation.

Ang MS Motosuit writer of the year ang pasidunggan sab karong adlawa uban sa laing sportswriters, kinsa nihatag og suporta sa tibuok kalihukan.

Si Lou Ornopia, owner sa MS Motosuit, ang polidong tiggama og seat covers, ug uban pa mohatag sa closing remarks ug ingon man mopahibalo alang sa umaabot nga 2007 edition.