Usa ka magbabasa ning column mi-text kanako nga nagkanayon: "Hi, Kuya Uriel, I'm one of your readers here in Holy Name University, Tagbilaran City. Gusto kong masayod kun kinsay nakadaog sa pro tour sa Men's Pool and Billiard Association niadtong tuig 1991-92." Daghang salamat. -- 0921-7557398
Daghang salamat sa imong text. Mangayo ko'g despensa nga dugay kaayo nakong nahatagan og pagtagad kining imong text. Unsaon nga nag-research pa man ko og ikatubag sa gusto nimong pakisayran. Dugay-dugay na man gud nga nahitabo kanang events nga gusto nimong masayran. Pero okey lang.
Nia ang talaan sa MPBA sanctioned nga pro tour championships niadtong 1991 hangtod 1992:
Sa 1991, si Nick Varner ang midaog sa torneyo nga gipahigayon didto sa USA nga gitawaga og Rakm-Up Classic. Sa samang tuig, si Bobby Hunter ang migulang kampiyon sa Seventh Annual Class City Open. Sa mao gihapong tuig, si Buddy Hall ang naghari sa International 9-Ball Classic.
Diha pay torneyo nga gipahigayon gihapon sa 1991 nga gitawag og Dufferin 9-Ball Classic. Si David Howard ang migulang kampiyon sa maong torneyo. Sa torneyo nga gitawag og McDermott Masters, si Earl Strickland ang nakasungkit sa titulo sa kampiyonato. Si Johnny Archer usab ang kampiyon sa Sands Nine-Ball Open XIII.
Sa laing MPBA sanctioned tournament sa 1991 mao ang Sixteenth U.S. Open Nine-Ball ug si Buddy Hall ang nakampiyon niini. Si Buddy Hall gihapon ang nakasakmit sa titulo sa kampiyonato sa Bicycle Club Invitational ug si Jim Rempe ang naghari sa Sands Nine-Ball Open XIV.
Sa 1992, si Buddy Hall ang nakampiyon sa Fifth Rakm-Up Classic. Si Mike Lebron usab ang nakasigpo sa titulo sa kampiyonato sa Eight Glass City Open, samtang si Reyes maoy nakampiyon sa International 8-Ball Classic. Si Johnny Archer maoy migulang kampiyon sa International 9-Ball Classic, si Earl Strickland milampos pagpanalipod sa iyang titulo sa McDermott Masters ug nakapanalipod sab si Archer sa iyang titulo sa Sands Nine-Ball Open XV.
(Mga sugyot ug pakisayod? Text sa 0910-8105522)