Guv Cup cross-over sugdan karon

Samtang nagkaduol na ang adlaw sa paghukom, hinayan na sab nga sugdan ang cross-over semifinal sa nagkainit nga 2nd Governor Gwen Garcia Unity Volleyball Cup karong adlawa diha sa Mandaue City Sports and Cultural Complex Mandaue City.

Ang Lapu-Lapu City mosuway og panalipod sa ilang korona nga ilang nasakakmit sa miaging tuig sa maong torneyo.

Ang Lapu-Lapu City makigpinaksitay sa Toledo City sa 8:30 buntag.

Samtang ang Talisay City ni coach Jerome Capada wala mabalaka nga ilang ikaatubang pagbalik ang defending champion Lapu-Lapu City, gani mibahad kini nga ilang kining tagaan og maanindot nga kumbati.

Kahinumduman, napakyas Talisay pagsakmit sa titulo sa miaging tuig ug ning panahona ilang suwayan nga makapanimalos kini.

Sa laing bahin, ang Toledo City makigbangga sa Catmon nga maoy nakaangkon sa katapusang luna sa semifinal .

Sa laing semifinal match, magtige ang Mandaue City batok Talisay City nga pulos gutom sa titulo.

Ang Lapu-Lapu City ug Mandaue maoy duha ka top squads sa cluster VI. Samtang ang Toledo City sa cluster III ug ang Talisay City sa cluster I.

Ang modaog sa semifinals maoy mag-abot sa championship game nga gikatakda ugma sa 1:30 sa hapon.