Cortuna naka-silver sa Germany

Ang Sugbuanong si Roman 'Dondon' Cortuna wala pa kaayo mosikat dinhi, apan didto sa Manila nabaniog ang iyang dakung kalamposan sa iyang bodybuilding career pinaagi sa pagpupo og silver medal sa National Amateur Bodybuilders Association (NABBA) International Universe Championships didto sa Cuxhaven, Lower Saxony, Germany.

Si Cortuna, kinsa nakig-indigay sa short category, nisurprisa sa iyang mga kaatbang dihang nahimo siyang usa sa kinamaayohang bodybuilders sa 48 ka nasud.

Mao kini ang labing unang higayon ni Cortuna pagsalmot sa prestihiyosong torneyo.

Gawas sa iyang kalamposan didto sa Germany, si Cortuna nakasakmit sab og silver medal didto sa Vietnam atol sa 2003 Southeast Asian Games.

Ang Pilipinas nakaangkon pa og laing dungog ug ning tungora wala na nila sipyata ang gold medal sa "mixed pair category" ubos nilang Koronadal-native Maria Crishiela 'Dwan' Abantao uban sa iyang partner nga si Ringo Borlain sa Manila. Silang Abantao ug Borlain nilupig nilang Natalia Bystrova ug Mara Khakimov sa Russia, ug nilang Nomikuo ug Marek Kotylak sa Greece.