"We never went after this outright semifinals seat. We just want to rack up as many wins as we can," ani Reyes, ilang minuto matapos payukurin ng kanyang San Miguel ang baguhang Welcoat, 97-85, sa classification phase ng 2006 PBA Philippine Cup kahapon sa Araneta Coliseum. "We never thought about it. If it happens, it happens."
Umiskor si Danny Seigle ng game-high 28 puntos para sa pang limang sunod na pana-nalasa ng Beermen na nagpa-tibay sa kanilang kapit sa ika-lawang silya mula sa 11-5 kar-tada sa ilalim ng 11-4 ng Ginebra Gin Kings.
Ito naman ang pang pitong sunod na kamalasan ng Dra-gons, ipinarada si seven-footer EJ Feihl, na naglaglag sa ka-nilang baraha sa 3-14 at posib-leng sumibak sa kanila sakaling manaig ang Coca-Cola (4-12) sa Purefoods Chunkee (9-6) sa ikalawang laro kagabi.
Sa pamamagitan nina Sei-gle, Danny Ildefonso, Lordy Tu-gade at Olsen Racela, inangkin ng Beermen, natalo sa kanilang unang pagkikita, 88-96, noong Oktubre 15, ang 69-54 bentahe sa 4:54 ng third quarter.
Huling nakadikit ang Dra-gons sa 75-83 sa huling 8:05 ng final canto mula kina Jay-R Re-yes, Jay-Jay Sagad at Denver Lopez.
"Nandito na rin lang kami, and we have no choice but to win as many games as possible para makapasok kami sa semi-finals," ani Reyes, nakakolekta rin ng 12 marka kay Romel Adducul, 11 kay Pena at 10 kay Tugade. (R.CADAYONA)