Siso misidlak na sab

Nakabawos na gyud ang Sugbuanang si Sally Mae Siso human niya gipilde si Choi Jihee sa Korea sud sa duha ka sets, 6-2, 7-5 aron pagsakmit og laing bulawan sa Langkawi International Junior Tennis Championships didto sa Langkawi Sports Complex sa Langkawi.

Bisan og nakatilaw na og "grandslam" si Siso, naniguro gihapon kini nga makabawi gumikan sa ilang kapakyasan kagahapon sa doubles.

Si Siso sa University of San Carlos (USC)-South Grade School gisuportahan sa Dunlop ug Osaka Iridology ni businessman Jonathan Guardo.

Lain usab nga Pinoy nga si Kim Saraza nikabkab og bulawan sa 14-under, samtang si Deo Talatayod igo lang nakakuha og bronze sa boys 12-under.

Si Vince Marc Tabotabo, nga gisuportahan sab nilang Cebu vice governor Greg Sanchez, Tuburan Elementary School, Accord Bank ug Tavos Sport, igo lang mipugnit og bronze sa 10-under doubles category uban ni Jurence Mendoza.

Sila si Siso ug Tabotabo gikatakdang moabot dinhi sa Sugbo karong adlawa.