Ang naturang parada para sa 20-anyos na si Bautista ay pangungunahan ni Tagbi-laran City Mayor Dan Neri Lim.
Nanggaling ang pambato ng Candijay, Bohol mula sa isang fourth round Technical Knockout (TKO) laban kay Brazilian super bantamweight champion Giovanni Andrade kamakalawa sa St. Pete Times Forum sa Tampa, Florida.
Ang nasabing tagumpay ni Bautista ang nagpatibay sa kanyang win-loss record sa 21-0 tampok ang 16 KOs.
Ayon kay Bautista, ipinangako sa kanya ni Golden Boy Promotions president Oscar Dela Hoya na mapapabilang siya sa kanilang welterweight championship fight ni Floyd Mayweather, Jr. sa Mayo 5 sa United States.
"Basta ang pangako sa akin ni Mr. Oscar Dela Hoya ay isasama niya ako sa undercard sa laban nila ni Mayweather sa Mayo," ani Bautista, nasa ilalim ngayon ng Golden Boy Promotions ni Dela Hoya.
May plano naman ang manager ni Bautista na si Tony Aldeguer na ibilang si Bautista sa pinaplanong Philippines vs. Mexico World Cup sa Pebrero.
"Kakausapin ko muna siya kung saan niya gustong lumaban kasi lahat naman ng mga boxers ko kino-consult ko muna," wika ni Aldeguer. (Russell Cadayona)