Domingo manalipod

Si reigning Philippine bantam champion, Michael Domingo modepensa sa iyang bakus batok ni No.1 contender, Edgar Gabejan karong Disyembre 8 diha sa Talisay Sports Complex.

Mao unya kini ang ikaupat nga pagdensa ni Domingo sa iyang bakus human niya kini malangkat gikan sa mga kamot ni Joel Bauya sa miaging tuig.

Si Domingo bag-o pang niaway didto sa France alang sa WBF World Bantam title batok ni Frederic Patrac, apan pakyas kini sa iyang kampanya sa maong kalibotanong titulo. Bisan pa niini, naka-impressed kini sa European boxing crowed tungod sa iyang gipakitang kaisog batok sa bagis nga si Patrac.

Sa iyang bahin, si Gabejan bag-o pa nga miaway batok ni Fahsan 3K Battery alang sa IBF Pan Pacific Super Bantam title niadtong Pebrero 17, 2006.

Ning maong boxing event nga gipasiugdahan sa SGG Sports Promotions, moaway sab si IBF Pan Pacific jr. flyweght champion Bert Batawang batok ni Rey Orais ug ALA Boy Rocky Fuentes batok ni Rolly Mandahinog.

Sa special attracttion, ang kanhi SEA Games Medalits ug undefeated prospect Mark Jason Melligen makigsinukliay og kumo batok ni Rex Marzan.

Moaway sa undercards ning maong promosyon nga giulohan og "Pound for Pound" mao sila si Reman Salim sa SGG Stable, Rogen Flores ug Marjo Borres batok nilang Rico Genon, Roel Honor ug Ranie Pamatian.

Ang garbo sa Talisay City nga si Rashed Bacus maoy moabli sa maong boxing event batok sa iyang kaatbang gikan sa Butuan City.

Ang maong boxing showdown nga gipaluyohan sab sa Talisay Sports Commission ubos sa pagpangulo ni City Councilor Rodi Cabigas, koberan sa VIVA Sports ug makita kini pinaagi sa delay telecast sa ilang boxing show, Main Event matag Dominggo sa alas-3:00 sa hapon sa RPN Channel 9.