May misyon ang Ginebra

Pahirap na ng pahirap ang labanan sa kasalu-kuyang eliminations ng Talk N Text-PBA Philippine Cup at batid ito ni Ginebra coach Jong Uichico.

"Nagiging matindi ang race to stay on top. If we want to stay up there, we shouldn’t be complacent and that there should be ‘no make-up next game.’ We cannot afford any-more losses," pahayag ni Ginebra coach Jong Uichico.

Alas-4:35 ng hapon ang sagupaan ng Tigers at Gin Kings at susundan ito ng sagupaan ng Alaska at Talk N Text sa alas-7:20 ng gabi.

"Mukha lang madali ang schedule namin but the truth is we shouldn’t underestimate our oppo-nents simply because we cannot afford to lose today, then babawi na lang next time," paliwanag ni Uichico.

Galing sa malaking panalo ang Ginebra nang kanilang ilam-paso ang league leader na Sta. Lucia Realty, 123-117 sa out-of-town game na ginanap sa Puerto Princesa City sa Palawan.

Sisikapin ng Gin Kings, may 7-4 kartada, na masundan ito upang muling makabalik sa pakikisosyo sa ikalawang pu-westo sa pahi-nga ngayong Red Bull na may 8-4 karta-da na di ha-los nalalayo sa record ng Realtors na 8-3.

Tinambakan ng Ginebra ang Coke sa una nilang pagkikita noong October 25, 102-75 sa provincial game na ginanap sa Cabagan Isabela.

Sisikapin namang ma-kakalas ng Phone Pals sa pakikisosyo sa San Mi-guel sa 6-5 karta sa paki-kipagsagupa sa nahihira-pan ding Alaska na may 3-7 karta. (MBalbuena)