Surban misubang sa Carcar

Nahibalik na sa aksiyon ang top rated mountainbiker nga si Niño Surban ug iya nga gilangkat ang titulo sa Mayor's Cup Mountainbike Challenge sa miaging adlaw didto sa Carcar.

Si Surban sa Team Quicklflight mitapos sa lumba sud sa usa ka oras ug kuwatro minutos.

Gisundan kini ni Randy 'Negro' Carbonera, kinsa mitapos sa ikaduhang dapit. Samtang si Albert Basirgo maoy mikompleto sa top-3.

Si Joseph Diez m mao sab ang nidominar sa junior-senior class batok ni Eusebio Ravanes samtang si Antonio Nebria maoy nipahiluna sa ikatulo nga dapit.

Si Surban mao unta ang paapilon sa Presidential Mountainbike Ride didto sa Malaysia, apan mi-atras kini human ang iyang RP teammate nga si Eusebio Quiñones mi-atras sab.