Ngunit may kabigatang misyon ito para sa SMBeer dahil bukod sa ang kakalabanin nila ay ang malakas na koponan ng Talk N Text, haharapin nila ang Phone Pals na wala si Danny Seigle.
Nagkaroon ng dipe-rensiya ang mata ni Seigle (corneal tear) sa nakaraang 84-78 panalo sa Red Bull.
Dahil dito, siguradong sasamantalahin ito ng Talk N Text upang hatakin ang kanilang back-to-back win at mapalawig ang 5-5 kartada.
Tabla sa 6-4 kartada ang Bulls at Beermen kasama ang Barangay Ginebra na kasalukuyang nakikipaglaban sa league leader na Sta. Lucia Realty sa provincial game sa Puerto Princesa City sa Palawan.
Sisikapin naman ng Coca-Cola na maduplika ang 105-85 panalo laban sa Red Bull sa una nilang pagkikita noong October 13 upang makakalas sa pakikisalo sa 3-7 record sa walang larong Alaska Aces.
Sa pagkawala ni Seigle, aasa si coach Chot Reyes kina Danny Ildefonso, Dondon Hontiveros, Olsen Racela, Romel Adducul at Christian Calaguio habang sina Asi Taulava, Jimmy Alapag, Mark Cardona, Anthony Washington at iba pa kay Dereck Pumaren ng Phone Pals. (MB)