DTCC mosadsad na

Ang Dancesport-Team Cebu City (DTCC) mosuway og depensa sa ilang overall title sa 2006 National Dancesport Championship karong adlawa didto sa Philsports Arena sa Pasig City.

Gawas sa ilang pagdepensa sa korona, ang DTCC nagtinguha sab nga makabawi human sa ilang dili maayong performance sa DCPI National Mid-ranking.

Si DTCC head coach Loloi Rendon nagkanayon nga kun unsay nahitabo sa mid-ranking dili na kini mahitabo pag-usab ning higayona tungod kay ila na nga gipangandaman ang maong kompetisyon.

"Na-demoralize man gud to sila kay wala mi. This time, kampante ko nga makabawi sila and we will be able to defend our title last year," matud pang Rendon.