Malalad naka-gold

Ang three-time Southeast Asian Games gold medalist nga si Gretchen Malalad nipakita sa iyang kaandam sa Doha Asian Games dihang nakakuha kini og bulawang medalya sa 2nd Korea Open Karate Championship dili pa dugay didto sa Busan sa South Korea.

Ang 26-anyos nga si Malalad nanghawod sa +65 kg. individual kumite event diin iyang gipilde ang iyang Koryanong kaatbang sa finals, 6-0.

Si Malalad maoy bugtong entrante sa Pilipinas sa six-nation competition.

Si national coach David Lay maoy nikuyog sa iyang paglarga nga suportahan sa Phiippine Sports Commission (PSC) ug Accel.

"Her victory showed that she's very much ready for the Asian Games and I'm confident that Gretchen will deliver for us just like what she did in 2002," said Philippine Karate Federation (PKF) head Ed Ponce.

Paningkamotan ni Malalad nga iyang malabwan ang iyang nakuhang bronze medal sa miaging Busan Asiad upat ka tuig na ang milabay bisan og nakaangkon kini og shoulder injury sa tunga-tungang bahin sa maong torneyo.