Si Nani Epondulan ug laing upat ka magduduwa sa Tagaytay nikamada og double figures aron pagposte sa ilang ikalima nga daog sa walo ka duwa ning maong torneyo nga gipaluyohan sa Spring Cooking Oil, Sulpicio Lines, Nature's Spring, Molten, Holiday Plaza-Cebu ug Prime Channel.
Ang Cooking Oil Masters mipahimulos sab sa maayong duwa nilang Danny Capobres uban sa tandem nilang Gilbert Neo ug Aldrin Morante.
Si Capobres miamot og 13 puntos, samtang silang Neo ug Morante mihipos og 12 puntos matag usa.
Sila si Peter Naron ug Jason Malcontento maoy nangulo sa Explorers ni Mayor Sammy Co nga nagkumboya og 37 puntos apan wala kini makatabang sa pagpadaog sa ilang koponan gumikan kay kulang sila sa suporta gikan sa ilang kaubanan.