Bacchus misanta sa ilang kaparotan

Nabugto ang tulo ka sunod-sunod nga pilde sa Bacchus-San Juan dihang nagmilagro kini sa katapusang bahin sa duwa aron pagpukan sa Osmeña-Cebu sa iskor nga 75-73 sa 2006 Spring Cooking Oil-NBC National Cup sa miaging Lunes didto sa San Juan gym.

Uban sa San Juan key players nga halos gilangkuban sa mga Sugbuanong magduduwa mipakanaog og hugot nga depensa sa ikaduhang hugna. Si RJ Masbang mao ang miagak sa opensa sa koponan ni businessman Mike Romero ug coach Lawrence Chongson aron pagbalanse sa ilang baraha ngadto sa 3-3 win-loss card.

Si Masbang nangulo sa Bacchus-San Juan sa iyang 13 puntos, samtang si Marlon Legaspi mihipos og 17 puntos alang sa Osmeña-Cebu nga nagtangag og 1-3 win-loss records.