Pacquiao adunay 12,438 votes

Nagligas na lang og tulo ka pounds weight difference nilang Manny Pacquiao ug Erik Morales atol sa pagsulat niining balita.

Ang Filipino ring icon mitimbang og 138.75 pounds atol sa 30 ka adlaw nga pre-fight weigh-in nga gihimo sa representante sa World Boxing Council (WBC) kagahapon didto sa Wild Card Gym sa Hollywood, California.

Samtang si Morales adunay gibut-aton nga 142 pounds atol usab sa iyang public weigh-in niadtong Biyernes didto sa Mexico City.

"He was on the scale wearing a shirt and his shoes - his real weight is about 136," matud pa sa trainer ni Pacquiao nga si Freddie Roach ngadto sa fightnews.com.

Sa laing bahin, ang 15rounds.com mitaho nga nabuak ang rekord karon dihang adunay 19,835 ang niboto sa Top Rank.com's "Who Will Win -- Pacquiao or Morales?" poll.

Si Pacquiao nakakuha og 12,438 votes, samtang si Morales nakahipos og 7,397.

Ang niaging Top Rank.com poll record niabot lamang og 16,000+ votes diin si Morales maoy inilog batok ni Pacquiao sa ilang ikaduhang engkuwentro niadtong Hulyo 2.

Nagpanikad na sila si Pacquiao ug Morales sa gikahinaman nilang engkuwentro nga ulohan og "The Grand Finale" karong Nobiyembre 18 didto sa Thomas and Mack Center sa Las Vegas, Nevada.

Ang Pacquiao-Morales III nga gi-promote sa Top Rank uban sa Wynn Las Vegas, makita sa HBO pinaagi sa Pay Per View basis.