Ang Warriors niposte sa ilang ikatulong sunod-sunod nga daog human nila gibiktima ang University of Northern Philippines (UNP) sa straight sets, 25-11, 25-15, 25-18.
Ang bantugang Warriors moharong sa De La Salle University-Manila karong alas-2:15 sa hapon didto sa University of St. La Salle covered court.
Wala sab magpire ang ilang soccer team dihang nidaog kini human nila sirohi ang University of the Philippines-Dilliman, 2-0.
Sa laing bahin, ang University of Southern Philippines-Foundation (USP-F) Panthers women's volleyball team napakyas pag-inat sa ilang baraha gikan nakakuha og duha ka sunod-sunod nga kadaugan dihang gipukan kini sa University of Santo Tomas, 14-25, 18-25, 24-26 sa miaging gabii.
Ang Panthers nabuntog sab kagahapon sa mga kamot sa kaubang Central Visayas team, ang Foundation University sa Dumaguete City, 25-14, 19-25, 16-25, 23-25.
Karong adlawa, Panthers makigsangka batok sa Adamson University uban ang p aglaum nga makabangon.