USC, USP-F volleyball, football teams mopakita'g labok sa University Games

Ang volleyball ug football teams sa University of San Carlos (USC) ug University of Southern Philippines-Foundation (USP-F) magsugod sa ilang kampanya alang sa Cebu teams sa 11th National University Games ugma didto sa Bacolod City.

Apan ang mga kaatbang sa USC Warriors ug sa USP-F mahibaw-an karon pang adlawa atol sa technical meeting sa tanang coaches ug tournament directors didto sa University of St. La Salles (USLS) College covered court.

Lain pang kompetisyon nga mosikad ugmang adlawa nga sugdan sa alas-8:00 sa buntag mao ang basketball ug chess.