San Beda vs UE sa finals

Isinaayos ng University of the East Red Warriors at ng San Beda Red Lions ang kanilang title showdown sa Collegiate Champions League matapos na magposte ng panalo laban sa magkahiwalay na kalaban kahapon sa Rizal Memorial Coliseum.

Agad na gumana ang opensa ng Warriors sa first quarter pa lamang ng itala nila ang 31 puntos na kalamangan tungo sa 83-74 panalo laban sa Mapua Cardinals sa semifinal match.

Sa kabilang dako, magaang na isinubi ng Red Lions ang isa pang finals seat ng kanilang pataubin ang 61-58 panalo laban sa Jose Rizal University Heavy Bombers.

Mula sa 59-58 pangunguna, pumalso si John Paul Escobal sa kanyang freethrows may walong segundo na lamang ang nalalabi, subalit nakuha ni Ogie Menor ang offensive rebound kung saan nakahatak siya ng foul at nag-split ito sa kanyang freethrow para ipreserba ang kanilang panalo.