Maceren-Lim tandem nidaog

Giangkon nila ni Kathleen Maceren ug Karen Lim sa Sugbo chapter ang titulo sa kampiyonato sa women's double category nga maoy nag-una sa mga mananaog sa Architects Badminton Cup 2006 nga giduwa niadtong Sabado diha sa Racquet Zone sa Montebello Hotel sa Lahug, Apas, ning siyudad.

Sila si Maceren ug Lim miunay og pilde nilang Anne Marie Nuñez ug Sharon Gonzaga sa Sugbo chapter aron paglangkat sa korona.

Samtang sila si sila si Waldo Figuracion ug Paolo Torres sa JamesHardi Phils. Chapter mao sab ang naghari sa men's double level E.

Giangkon sa mga magduduwa sa Rajah Humabon ang ikaduha ug ikatulo nga mga dapit.

Sila si Raymund Vega ug Lloyd Joseph Madera maoy mipahiluna sa ikaduha, samtang sila si Cresencio Tiong ug Roy Damole maoy niilog sa ikatulong dapit.

Sa men's doubles level D, ang Lapu-Lapu Chapter nga gibitoonan nilang Laurence Young ug Michael Quezon mibuntog nilang Art Malamid ug Rey Albert Dauz sa Sugbo chapter aron pagdaog sa titulo, samtang sila si Christopher Dy ug Wilson Wang maoy niangkon sa ikatulong dapit.

Sila si Dennis Mayo ug Elizabeth Montecillo maoy misakmit sa championship title sa mixed doubles sa level E.

Nitungtong sa ikaduhang dapit mao sila si Ericson Perez ug Anne Marie Nuñez, gisundan kini nilang Mark Diaz ug Sharon Gonzaga.

Sa mixed doubles level D, ang giharos og daog ang nag-unang tulo ka mga dapit. Sila si Alan ug Roselani Choachuy maoy nidaog sa korona, samtang ang paresan nilang Jason ug Michelle Ng ug ingon man silang Christopher ug Gina Huang alang sa ikaduha ug ikatulo nga mga dapit.