"The opponent for Bautista will be the same guy we wanted for September, Giovanni Andrade from Brazil. He is ready and able for December 2 in Tampa Bay, Florida," matud pa ni Golden Boy Promotions vice president ug matchmaker Eric Gomez sa iyang e-mail ngadto sa manedyir ni Bautista nga si Michael P. Aldeguer.
Si Bautista orihinal nga gikatakda nga makigsinumbagay ni Andrade sa undercard sa rematch nilang Marco Antonio Barrera ug Rocky Juarez niadtong Septiyembre 16 didto sa Las Vegas, apan napugos siya pag-atras human mapiang ang iyang abaga atol sa training.
Sa wala pa kana mahitabo, si Bautista napuwersa sab pagkansela sa iyang away batok sa Meksikanong si Alejandro Felix Montiel sa undercard sa kumbati nilang Manny Pacquiao ug Oscar Larios niadtong Hulyo 2 didto sa Araneta Coliseum gumikan sa taas nga hilanat ug grabing pag-ubo.
Karon nga anaa na siya sa maayong panglawas, naghinam-hinam na kaayo si Bautista nga mo-away og balik.
Si Bautista katapusang nakapakita sa iyang abilidad niadtong Mayo 20 didto sa Staples Center sa Los Angeles diin iyang gipalukapa si Roberto Bonill sa ikatulong hugna.
"Boom-Boom is back in boxing and raring to go back to the ring," matud pa ni boxing patron Antonio 'Bidoy' L. Aldeguer.
"He has fully recovered from his recent shoulder injury and is already in heavy training in preparation for his upcoming fight. He even had his first sparring session held just yesterday," midugang si Aldeguer.
Nagkanayon si Aldeguer nga sila si Bautista ug trainer Edito 'ALA' Villamor molarga karong Oktubre 25 padulong sa L.A. aron magbansay-bansay didto sa Wild Card Gym ni Freddie Roach.