WORLD MEN’S BOWLING: Pinoy bowlers bumagsak

Naglaho ang pag-asa ng Philippine bowling team para sa medalya sa World Men’s Bowling Champion-ship habang nanalasa naman ang Sweden at England at kunin ang 1-2 position sa long oil pattern sa Homeplus Asiad Bowling Centre sa Busan, South Korea kahapon.

Sinunog nina Robert Andersson at Martin Larsen ng Sweden sa ikatlong team para sa pinagsamang 2,831 at agawin ang trangko sa doubles event.

Samantala, ang English pair naman nina Daniel Stride at Mike Quarry ay nagpasulong ng kabuuang 2,808 sa ikatlong team din para pumangalawa at ikatlo naman ang Australia na may 2,746.

Nalaglag naman sa ikalimang puwesto ang Philippine tandem nina Biboy Rivera at Chester King na may 2,689 pinfalls. May isa pang team na lumalaban habang sinusulat ang balitang ito.