Sila si Michael Cinco ug Oning Villarosa, kinsa nagkumboya og 39 puntos, maoy nipasiugda paglusad og 11-3 run aron paghatag sa Atan Guardo og singko puntos nga labaw, 27-22 paghuman sa first quarter.
Luyo sa mainitong kamot nilang Kent Tandan ug Boy Orosio, ang Artkyob ni-aksiyon og gukod hangtod nga niabot na lang og uno punto ang labaw sa Atan Guardo, 40-41 paghuman sa halftime. Si Tandan nipupo og 22 puntos, gisundan ni Orosio sa iyang 21 puntos.
Si Rey Mancao, kinsa nibugha og 10 puntos gawas nga milangkat og 10 rebounds nipabuhagay og maayo sa iyang abilidad aron pagtabang sa Artkyob pag-ilog sa labaw, 52-49.
Hinuon, ang Atan Guardo dali ra usab nga nakabawi sa momentum pinaagi sa paningkamot nilang Totong Villanueva ug Ian Kintanar nga maoy responsable pagpaburot sa ilang labaw ngadto sa 19 puntos, 85-66. Sila si Villanueva ug Kintanar nagkumboya og 29 puntos alang sa Atan Guardo.
Sa bracket B, ang San Remigio Beach Club nidaog batok sa University of San Carlos Commerce sa iskor nga 81-79.