SINO ANG NO. 1 DRAFT PICK?

Kung walang malaking trade na magaganap bago magsimula ang PBA Annual Rookie Draft Pick, maaaring ang Fil-Am na si Kelly Williams na ang No. 1 draft pick ng Sta. Lucia Realty.

Ngunit maraming pu-wedeng mangyari sa araw na ito at hindi mai-popormalisa ang pagiging top rookie pick ni Williams hanggang hindi tinatawag ng Sta. Lucia ang kan-yang pangalan sa drafting na gaganapin sa Market Market sa Taguig City.

Unang lumutang ang pangalan ng UAAP MVP na si Arwind Santos ngunit nang palapit na ang draft ay lumabas na ang pa-ngalan ni Williams baga-mat ayaw magsalita ng Sta. Lucia na siyang nag-mamay-ari ng No. 1 pick.

Ang Sta. Lucia ang tanging PBA team na wa-lang Fil-Am at ipinagma-malaki nila ito ngunit binig-yan na ni team owner Exie Robles sina team mana-ger Buddy Encarnado at head coach Alfrancis Chua na kalimutan na ang "Proud to be Home-grown" slogan.

Minamataan din ng bagong San Miguel coach na si Chot Reyes si Wil-liams na siyang nagdala rito sa bansa nang madis-kubre niya ito sa Michigan para maglaro sa National Squad.

"Ako ang nagtanim, ako ang nagsaing, iba ang kakain," ani Reyes ng San Miguel na siyang may-ari ng No. 4 at 5 picks.

Inaasahang babagsak naman sa Air21si Santos. Ang Express ang ikala-wang pipili.

Ang No. 3 pick ay sa Coca-Cola na namimili kina forward Mark Isip at Gabby Espinas habang minamataan naman ng San Miguel si LA Tenorio at kung sino ang hindi kukunin ng Tigers kina Isip at Espinas.

Ang Realtors uli ang pipili sa No. 6, kasunod ang Alaska (7th), Talk N Text Phone Pals (8th) at Purefoods Chunkee (9th) at huling huhugot ang expansion team na Wel-coat Paints sa No. 10 para sa unang round.

 Sa ikalawang round, ang order ay Welcoat, Talk N Text, Sta. Lucia, Coca-Cola, Air21, Coca-Cola, Coca-Cola, Alaska, Red Bull at Purefoods.

Ang iba pang inaasa-hang makukuha ay sina Boyet Bautista, Christian Luanzon, Aaron Aban, Ronnie Bughao, Abby Santos, Chico Lanete, Mark Magsumbol, Rodel Mallari, Ferdinand Daa, Paul Reguera, Ryan Ri-zada, Frederick Rodri-guez, Ryan Cristobal at Ariel de Castro.