Cotton Village temporaryong nag-una

Ang Cotton Village Cats N' Blues nikulit sa ilang ikaduhang daog sa ilang pakigbangga sa Bucks Riders sa iskor nga 77-67 sa 2006 Cuanos Basketball League niadtong Domingo diha sa Cuanos Sports Square sa Minglanilla.

Nihunat dayon ang Cats N' Blues pagsugod sa unang kuwarter ubos nilang Arnold Labrador ug Iyan Obcial pinaagi sa ilang "run-and-gun," nga maoy nakapalubong sa Riders og 12 puntos paghuman sa unang hugna,16-4.

Ang Riders igo lang nikitkit sa iskor nga 67-71, sa katapusang dos minutos sa duwa human sa 3-point shot ni Rafael Labrador, apan didto ra kutob ang pagratsada sa Riders kay gikan niadto wala na sila makapuntos hangtod nga napupos ang oras sa duwa.

Nangulo sa maong kadaugan mao si Richie Sedeño sa iyang 16 puntos, uban ang walo ka rebounds ug upat ka assists. Nitampo sab si Iyan Obcial og 10 puntos, samtang ang managsuong Labrador nga sila Arnold, Mario ug Roel nagkumboya og 25 puntos.

Ang Cats N' Blues nikatkat karon sa unang dapit sa Bracket A sa ilang 2-0 win-loss records, samtang ang Riders nakaligis og 0-2 win-loss record.