Rules ssa 15-ball

Niining bahina sa akong lindog akong hatagan og pagtagad kining lain na usab nga text nga gipadangat sa usa ka magbabasa. Ang atong texter nagpaila nga usa sa daghang mahiligon sa dulang billiard mao nga gikahinangop nato ang maong kasayoran ug nakahukom nga suportahan siya sa tanan niyang mga lakang nga may kalabotan sa pagpalambo sa iyang abilidad.

Ang iyang text nagkanayon: "Good day. Ako usa nimo ka avid reader sa imong column nga Magbilyar Ta sa Banat News. Gusto ko makahibalo sa dulang bilyar kay hilig ni nako. Gusto nako mahibaloan ang rules sa 15-Ball billiard game. Salamat. I'm Emil Co of Ormoc City." -- 0919-7942331

* * *

Daghang salamat sa imong text. Sumala sa librong Billiard: The Official Rules and Records Book, ang 15-Ball billiards nagsunod usab sa general rules sa pocket billiards, gawas lang sa additional nga mga lagda nga gipatuman agi'g pahaom sa maong variation sa dula. Busa dili kaayo lisod ang 15-Ball kun ikaw nasayod na sa general rules sa pocket billiards.

Ang 15-Ball puwedeng dulaon sa duha o mas daghan pa nga magdudula. Hinuon, mas maayo gayod kun duha lamang ka magdudula ang magsangka niining maong matang sa dula. Ang standard set of object balls mao ang no. 1 ngadto sa no. 15 uban ang bolamano. Ang object of the game mao ang pagkamada og iskor sa mga bola nga may mas daku nga total point value kay sa makuha sa imong kontra.

Ang matag object ball nga mapasulod ngadto sa pocket sa legal nga paagi adunay point value nga sibo sa numero nga gidala sa maong bola. Matapos ang dula sa higayon nga ang usa ka magdudula makakuha sa total point nga mas labaw kay sa nakuha sa iyang kontra kun ang nahabilin nga mga bola sa ibabaw sa lamesa dili na makadispasir pagsapar sa iyang labaw ngadto sa kontra. Sa duha ka magdudula nga mag-atbang sa pagtige sa maong dula, ang 61 maoy ideal points of scoring nga matapos na ang dula.

* * *

Sa 15-Ball, ang tanang illegally pocketed balls i-ipatsaw (spot) ug ang magdudula nga nakahimo sa maong illegal pocket dili pahamtangan og penalty. Mao usab kini ang buhaton sa higayon nga may bola nga mahulog gikan sa lamesa. Kun ugaling makahimo og foul ang magdudula, ang iyang score kuhaan og three points.

Kun ikaw nasayod na sa general rules sa pocket billiards, dili na angay ipangutana kun kanus-a nga maka-commit og foul ang usa ka magdudula. Ang akong ikapaneguro mao nga sa pagdula nimo og 15-Ball, segurado gayod nga malingaw ka tungod kay kining maong dula tugob sa mga hagit, mga challenges nga dili nimo masinati sa ubang variation sa pocket billiards.

* * *

(Pakisayod ug kumentaryo? Text sa 0910-8105522)