Mga bantugang tennis players dinhi sa Sugbo manulong sa Ozamiz

Ang mga bantugang senior tennis players dinhi sa Sugbo manulong karong adlawa didto sa Ozamiz City aron mopakita sa ilang katakus sa 2nd Mayor Reynaldo O. Parojinog Sr. National Open Tennis Tournament.

Komposisyon sa Sugbo mao sila si Michael Quiñones, Adonis Lominoque, Ilak Tabura ug Bo Alburo.

Si Quiñones, kinsa gipaluyohan ni Mario King, masaligon nga ang ilang grupo modaog sama sa naangkon nga kalampusan sa ilang banggiitang junior netters.

Ang mga Sugbuanon moduwa sa singles ug doubles event batok usab sa mga bantugan ug inilang magduduwa dinhi sa nasud.

Ang makampiyon sa singles makadawat og P40,000 ganting salapi ug P18,000 madawat ang makampiyon sa doubles.

Ang runners up ug quarterfinalists makadawat usab og ganting salapi.