Day niangkon sa korona

Gitagod-tagod sa Day five ang S&D Meatshop, 102-92 aron pag-angkon sa championship title sa Inter-Village division sa Punta Princesa Sports Association (PPSA)-Guardo Summer Cup basketball tournament diha sa Vicente Sotto Memorial gym sa barangay Punta Princesa.

Ang Day gipangulohan ni Oliver Sanoy, kinsa milansang og 13 sa iyang kinatibuk-ang 23 puntos sa sayong bahin sa maong duwa. Wala mag-agi og kakulba ang Day sa maong duwa dihang milabaw kini og 23 puntos paghuman sa first half. Hinuon nakan-an ang maong labaw ug miabot na lang og 10 puntos pinaagi sa paningkamot ni ex-PBA stalwart Teroy Albarillo, kinsa mibugha og 35 puntos apil na niini ang siyam ka triples.

Sa pasiunang duwa, ang Amchels nagkinahanglan og duha ka overtimes una nila naangkon ang 106-105 nga kadaugan batok sa Sambag aron pag-angkon sa ikatulong dapit.