Ang Davao maoy unang mopahigayon alang sa regional qualifying event ug sundan kini sa Luzon eliminations ug dayon sa Visayas.
Mga kategoriya nga gilakip ning tuiga mao ang boys' ug girls' teams, 18 year-old and below.
Ning higayona, ang partisipasyon ipaagi lamang sa inbetasyon.
Ang final battle gitakda karong Agosto 12-13 didto sa kaulohan.
Ang top squad sa boys division maoy morepresentar sa nasud alang sa Asian Streetball Championship didto sa Guangzhou, China karong Agosto 25-27.
Ang mga Sugbuanon nagtinguhang mopakita na sab sa ilang abilidad human kini mapakyas sa nangaging mga katuigan.
Katapusan midaog ang local squad niadto pang tuig 2002 uban sa University of the Visayas diin ang Pilipinas maoy midaog sa boy's title sa Asian Championships.
Gawas sa UV, ang Southwestern University (SWU) ug Cebu Institute of Technology (CIT) ang nipresentar usab sa Pilipinas.