13 Cebu darters apil sa San Carlos City Charter national open

Trese ka Cebu darters ang kompirmadong mosalmot sa ipahigayong San Carlos City Charter Day National Open Darts Tournament didto sa Jumbo Bar sa San Carlos City, Negros Occidental.

Ang nipadayag sa ilang partisipasyon mao sila si Jerous Ponce, Winnie Ocañada, Alvin Villa, Dicdic Ramirez, Steve Montenegro, Allan Veloso, Ismael Lumantaw, Molet Patunog, Dondon Enhambre, Wayno Ugang, Roy Laude, William Incorporado ug Anna Fe Villa.

Ilang sangkaon ang mga kaatbang darters gikan sa Manila, Iloilo, Bacolod, Dumaguete, Tanjay ug ingon man ang host city San Carlos.

Ang mga darters magtige sa tulo ka events - ang classified four-man team, classified doubles ug ang open singles.