GAA finals gisibog

Agi'g paghatag og panahon sa ilang miyembro nga makakita sa away tali nilang Filipino boxing icon Manny 'Pacman' Pacquiao ug sa Meksikanong si Oscar Larios didto sa Araneta Coliseum, ang Guadalupe Athletic Association (GAA) 7th Founder's Cup finals gisibog ngadto sa Hulyo 9 diha sa Guadalupe Sports Complex.

Gisibog sa opisyales sa GAA ang maong mga duwa aron makakita ang ilang mga miyembro sa duwa sa Pacquiao-Larios fight.

Magsangka sa finals mao ang Rama-Bullo ug Egpyt Sportswear.

Ang Rama-Bullo ug Egpyt pulos milampos pagkab-ot sa kadaugan sa tinaktakay nga semifinals batok sa G&S International ug Aqua Serv.

Ang G&S ug Aqua Serv maoy magtige alang sa ikatulo nga dapit.