Pacman, Larios nagkita na sa presscon

Si Shelly Finkel mimando ni Manny Pacquiao kagahapon atol sa ilang final press conference sa gikahinaman niyang away batok sa Meksikanong si Oscar Larios karong Domingo.

Ang manedyer ni Larios nga si Rafael Mendoza mipadala og reporter didto sa nagsugwak nga Serendipity Lounge sa Discovery Suits dihang nag-estorya ang American manager ni Pacquiao.

"We‚ve been treated very well here. But I'm sure Manny Pacquiao will treat him (Larios) very bad (on the ring). I hope Oscar pays him back," matud pa ni Mendoza.

Nagkatawa si Pacquiao sa iyang manedyer pagkadungog niya sa gisulti ni Mendoza.

Si Freddie Roach, ang trainer ni Pacquiao mipaambit sab sa sama nga sentimento.

Sa tinuod, sa miaging semana, ang kanhi trainer ni heavyweight legend Mike Tyson nga si Roach miingon nga ang away dili molungtad og unom ka rounds.

"If Manny goes by our game plan, then that might happen. But we're ready to go 12 rounds. If there's going to be a knockout, that will happen," matud pa ni Roach.

Si Pacquiao mopahigayon sa iyang katapusang training karong adlawa didto sa ABAP gym.

Gibutyag ni Roach nga gipangandaman nila og maayo kining maong awaya.

Apan si Larios, kinsa modawat og $450,000 aron lang moaway ni Pacquiao masaligon ug determinado siyang modaog.

"A victory over Pacquiao will mean a lot more money for me. And it will make a lot of people happy in Mexico," matud pa ni Larios pinaagi sa iyang trainer nga si Edison Reynoso.