Ang Team 4 mitumba og 10,216 pinfalls batok sa Team 1 nilang Jomar Jumapao, John Galindo ug Adrian Zuluaga nga nahimutang sa ikatulong dapit pinaagi sa pagposte og 10,062 pinfalls.
Ang Team 3 ni Chris Foyle, Heber Alqueza ug Jondrew Amigo maoy nahimutang sa ikatulo nga dapit uban ang 9,985 pinfalls.
Dobleng selebrasyon ang naangkon ni James Zuluaga human niya nakuha ang highest games scratch sa boys division pinaagi sa pagtumba og 229 pinfalls. Aduna siya'y pinakadakung iskor sa unom ka duwa nga 3,751 pinfalls.
Sa laing bahin, ang highest game with handicap award napunta ni Chris Foyle sa Marie Ernestine School. Si Foyle mitumba og 253 pinfalls.
Si Chantelle Foyle maoy nakaangkon sa girls highest game scratch uban ang 139 pinfalls ingon man highest game with handicap nga adunay 224 pins.
Sa masters event, si Jake Yap sa Sacred Heart School-Jesuit maoy midaog sa title, samtang si Chris Foyle ug lain pang tinun-an sa SHS-J nga si Jomar Jumapao, maoy mipahiluna sa ikaduha ug ikatulo nga dapit.
Sila si John Galindo, John Casataya, James Zuluaga, Heber Alqueza ug Adirna Zuluaga, maoy mikompleto sa top eight finishers sa masters category ning maong kompetisyon nga gipaluyohan nilang Harry Yap, Jun Valencia ug sa mga ginikanan sa mga partisipante.