Go mihatag financial support sa UC arnisadors

Ang presidente sa University of Cebu (UC) nga si Atty. Augusto W. Go mihatag og financial support ngadto sa UC arnisadors kinsa mosalmot sa 9th World Eskrima Kali Arnis Championships karong Hulyo 2-8 didto sa Orlando, Florida.

Si Atty. Go mogahin og P200,000 alang sa walo ka stick fighters ug coach gikan sa UC nga nalakip sa nasudnong koponan.

Ang walo ka mga atleta mao sila si Ariel Great, Jerry Tañajora, Emelio Cuevas, John Kenneth Ferraren, Mary Jane Rodina, Francis Dereso, April Max Caballes, Jun Dave Caballes ug coach Maximo Caballes.

Si UC athletic director Bernard Ricablanca mokuyog sab sa maong panon.

Matud pa ni Ricablanca nga ang school administration maoy mo-abag sa mga galastohan ingon man ang ilang travel expenses paingon sa Manila alang sa interview sa US Embassy.