NCAA Jrs. cagewars hahataw na rin

Sisimulan ng San Sebastian College-Recoletos ang kanilang kampanya sa pagdedepensa ng titulo sa 82nd National Collegiate Athletic Association (NCAA) junior’s basketball tournament na magbubukas ngayon sa Ninoy Aquino Stadium.

Makakaharap ng Staglets na umagaw ng titulo sa San Beda Reb Cubs noong nakaraang taon, ang Perpetual Altalettes sa alas-1:45 ng hapon.

 Ang Red Cubs at Jose Rizal Light Bombers ang magbubukas ng aksiyon sa alas-12:00 ng tanghali habang sasagupain ng Letran Squires ang College of Saint Benilde-La Salle Greenhills Greenies sa alas- 3:30 ng hapon.

 Tinapos ng Staglets ang 19-taong pagkauhaw sa titulo matapos ma-sweep ang best-of-three serye sa 2-0 laban sa San Beda.

Mahihirapan ang Staglets sa kailang kampanyang maipagtanggol ang titulo dahil wala na ang kanilang mga key players noong nakaraang taon kabilang ang finals MVP na sina Eric Salamat at Raffy Reves ngunit nasa kanilang poder pa rin ang epektibong coach na si Raymond Valenzona. (CVO)