Ang Tinong's Bakery miluto sa Dacey & Dolly sa iskor nga 105-103, samtang ang Sambag nanginahanglan og overtime una pa nila mabuntog ang Amchels,96-90.
Si Richard Gubaton sa Dacey & Dolly milansang og free throw sa nahabiling tres segundos sa duwa ug mipatabla sa iskor nga 92-92 nga maoy nakaingon sa overtime.
Si Jay-R Lopez, maoy nahimong bayani human sa iyang quick perimeter jumper sa daginutong segundos nga maoy naghatod sa kadaugan sa Tinong's Bakery .
Sa iyang bahin, si Celso Desucatan sa Sambag maoy nakapa-overtime human nasulod ang iyang free throw aron pagpatabla sa iskor 80-80 sa nahabiling 10 segundos sa duwa nga mao usab ang naghatod sa duwa ngadto sa overtime.
Sila si Warren Lyne, Macky Asis ug Lyndon Binondo nagtambayayong aron paghatod sa Sambag ngadto sa tam-is nga kadaugan.