UST kampeon sa women’s National Open Softball

Nag-pitch ng two-hitter si Aiza dela Torre nang makaganti ang UST sa UP, 2-0 at makopo ang titulo sa kababaihan ng National Open Softball championship sa Sto. Niño grounds sa Marikina City.

Ang maliit na 17 anyos na si Torre ay nakaungos kay Dione Macasu sa kanilang duwelo nang tumira ng 5 hits ang una na nagbigay sa UST clouters ng panalo.

Sa kalalakihan, isinara ng Pasig City ang pinto sa Laguna makaraang iselyo ang 5-1 panalo para sa unang finals slot.

Isinaayos naman ng Agoncillo ang kanilang titular showdown laban sa Pasig, sa pamamagitan ng come-from-behind na panalo sa Cebu, 5-4.