3rd Thirsty Badminton Cup gitakda Hunyo 17-18

Ang 3rd Thirsty Badminton Cup gikatakdang sugdan karong Hunyo 17-18 diha sa MetroSports Badminton Club sa Lahug, ning siyudad.

Ning tuiga, ang kompetisyon gibahin sa upat ka kategoriya, B, C, D ug E.

Matag dibisyon adunay mixed doubles, men's ug women's doubles competitions.

Kadtong napakyas sa unang-duha ka adlaw nga leveling aduna pay panahon sa pagtambong karong Hunyo 9-10, samtang ang out-of-towners gitakda sa Hunyo 16.

Ang leveling session anha gihapon pagahimuon sa Metrosports gikan sa alas-7:00 hangtod sa alas 9:00 sa gabii.

Ang entry fee matag player nagkantidad og P550 ug adunay dugang P300 nga pagakolektahon kun nangandoy kining moapil sa laing event.

Ang maong kompetisyon bukas sa mga magduduwa nga nagpangedaron og 18-anyos ug pataas.

Mga varsity ug kanhi varsity players ingon man mga sakop sa training pool ug trainers gidid-an sa pag-apil niini.

Ang katapusang adlaw sa pagpanglista gitakda karong Hunyo 12.

Ang makampiyon makadawat og ganting salapi ug medalya, samtang ang runners-up kab-itan og medalya.

Alang sa dugang kasayoran, tawaga lang si Ann sa 0917-3253768, Mitch sa 0917-3264824 ug mahimo usab pinaagi sa email: [email protected]